ميــن قال البنت زي الولد ؟؟

بيقول المثل الولد لخاله والبنت لعمتها اى ان الابن يشبه خاله والبنت تشبه عمتها وازا لما يكن هناك فرق وكبر الولد وهو يشبه عمته وكبرت البنت وهى تشبه خالها..تبقى مصيبة

2 / يقول المثل / اعز الولد .. ولد الولد / ولم نسمع مثلا يقول اعز البنت .. بنت البنت

2- البنت مكن تحط مان******ير / يقدر الولد يعمل كده
4- ممكن الولد لو حد استفزه يتخانق عادي في الشارع
5 / الولد ممكن يقعد عند ميكانيكى ويشرب عنده شاى ماعرفش ايه الميزة فى كده بس اللى اعرفه ان البنت ما ينفعش تقعد عند الميكان******ي
6/ الولد يقدر ينهى مكالمة تليفون فى اقل من ثانية 00 لانه مش رغاى 0 يقدر يعمل مكالمة يقول فيها كل اللى عايزه بسرعة 0 ودا معناه فاتورة تليفون اقل او كارت شحن عمره اطول 0 البنت ممكن تخلص كارت شحن ب / 200 جنيه / قبل ما تدخل فى الموضوع

7 / الولد لو سافر اجازة ايام كل اللى محتاجله بنطلون جينز واحد بس و تى شيرت وفوطة وفرشة سنان وفرشة شعر وجيل يرميهم فى شنطة على كتفه البنت لو هتسافر ايام عايزة شنطتين فاميلى سايز

8 / الولد يقد يفك الانبوبة وينزل يغيرها وكمان يركب لانبوبة الجديدة ويجربها .. البنت كبيرها قوى ممكن تصرخ وهيا فى المطبخ / يا ماما ... الانبوبة فضيت /..

9 / الولد ممكن يقلع جزمته فى الشارع ويديها للراجل بتاع الجزم يلمعها له .. البنت مستحيل

10 / لو كان الولد زى البنت ما كنش العالم مشى على قاعدة / الستات اولا / . / بالمناسبة لو كانت القاعدة ده صحيحة ماكنش ربنا خلق الرجل الاول

11 / البنت ممكن كلمة صغيرة تجرحها وتخليها تبكى .. الولد عنده طبقة جلد سميكة فوق مشاعره بتخليه يحس اقل وعمره ما يعيط . ولو فى مرة عيط ... كل الناس هتتهمه بانه / بيعيط زى البنات /

12 / لو الولد رجع من مشوار فى عز الحر ممكن يقلع هدومه اول ما يدخل من باب البيت على طول بالنسبة للبنت الموضوع هيبقى صعب شوية

13 / [ لو فيه موسيقى شغالة صعب حد يقول للولد[ ما تقوم ترقص شوية

14 / لو الدنيا حر الولد يقدر يقوم يحط راسه كلها تحت الحنفية بدون تردد .. ولو حر قوى ممكن يحلق شعره كله
15 / الولد يقدر يروح الاستاد مع اصحابه ويقعد فى مدرجات الردجة التالتة ويشجع ويرقص ويرمى ازايز المياه البلاستيك على حارس مرمى الفريق الخصم ... البنت
ما تقدرش تروح الاستاد الا لو كان معاها ولاد

16 / الولد مش مضطر يمشى بشنطة

17 / الولد ممكن اصحابه يعدوا عليه تحت البيت وينزل لهم فى دقيقة ويرجع بعد ساعة .. من غير ما يقول لاى حد ان دا كله حصل ومن غير ما حد ياخد باله ولو اخد باله مش هتفرق ... البنت متراقبة 24 ساعة .. وفكرة ان صاحباتها يعدوا عليها ياخدوها ويخرجوا مع بعض فكرة تنفيدها يحتاج لمجهود خارق

18 / فى الاتوبيس او الميكروباص او المترو .. دايما الولد هو اللى بيقوم للبنت عشات تقعد مكانه .. عمرنا ما شفنا بنت قامت عشان تقعد ولد

19 / لو البنت بتلعب فى جهاز الكمبيوتر فى المدرسة واتحرق منها او انفجر مثلا المدرسين هيجروا عليها ويقولوها فداكى الكمبيوتر ... اما لو الولد باظ منه جهاز كمبيوتر فى المدرسة هيروح ومعاه استدعاء ولى امره

20 / لو البيت فى لمبة محروقة وفى نفس الوقت والاب عايز يشرب شاى .. مستحيل يقول لابنه روح اعمل شاى ويقول لبنته انزلى اشترى لنا لمبة مسمار

21 / الولد ممكن يرقص فى الشارع فى زفة ابن عمه .. البنت تقف تسقف وتزغرد وتحترم نفسها

22 / البنت لما تحط مكياج بتبقى احلى .. والولد لما يحط ماكياج بيبقى بلياتشو

23 / لو البنت زى الولد ابقى انا زي ابن الجيران وتبقى اليــسا زى عصام الحضرى

24 / لو البنت زى الولد ماكنوش عملوا فى البطاقة خانة اسمها النوع ولازم تكتب قدامها بوضوح ..ذكر او انثى