موضوع: ازاي تكون خنيق ورخم ؟! نياههاه السبت 03 ديسمبر 2011, 16:52
لو عايز تبقى خنيق طحن لحد ما تنضرب علقة سخنة
• قول نكته طويلة أوى وتعالى عند أخرها وأعمل نفسك نسيتها.
• لو ماشى بعربيتك ف طريق.. ادى اشاره يمين طول منتا ماشى لمدة 10 كيلو او اكتر.. خلى اللى وراك يتشل منك.. وابقى اقفل ازاز العربيه او حط الاير فون فـ ودنك عشان متسمعهمش
• طول منتا مع صحابك.. كل اما تقول حاجه خنيقة.. مد ايدك للى جمبك اكأنك بتقولو كفك يا برنس.. لحد ما يتخنق منك ويقوم من جمبك بأى حجه..
• طول منت ماشى ف مكان او جوه بيتكم حتى.. كل لما تلاقى حاجه مسطحه طبل عليها..اعملهالهم مرستان..!!
• لو كنت من هواة الكتب .. واستعرت كتاب.. ..قبل ما ترجعه للمكتبه.. اكتب نهاية القصه على اول صفحه واخنق ع اللى بعديك..
• لما تكون مع صحابك.. وعايز ترخم عليهم..بسيطه.. كل ما يقول واحد منهم جمله.. كررها بصيغة سؤال.. مثلاً.. هو-انا رحت امبارح لعمرو انت-انت رحت امبارح لعمر؟؟ هو-اه ونزلنا الهرم انا وهو انت-نزلت الهرم انت وهو؟
وهكذا لحد ما يتف فـ وشك ويقوم يديلك قلم علي وشك ويمشي..
• طول منت ماشى ف الشارع رخم على كل واحد تقابله واسئله الساعه كام..؟؟ ولما يرفع ايده او يطلع الموبايل.. اعمل انك مستعجل ومش فاضى.. وامشى ونفضله واسئل واحد تانى جمبه..
• لو كنت قاعد ف المترو.. افضل بص لواحد وركز عنيك عليه.. ورخم عليه لحد ما يتخنق منك وتحس انه اتفقع خلاص..
• نفس الراجل ده قبل ما يشتمك.. انزل من العربيه دى لما المترو يقف.. واركب عربيه تانيه.. الراجل هينفخ من السعاده..ماشى انا بقي ..هوريك.. المحطه اللى بعديها.. ارجع للعربيه دى تانى.. الراجل هيطب ساكت من المفجأه..
• واحد صاحبك خنقك..طول منت بتتكلم معاه متبصلوش.. بص لاى حاجه ماشيه او واقفه حتى..
• اى وآحد قرفان منه.. كل ما يكلمك كلمه.. سهم كده.. وقوله معلش عيد تانى اصلى كنت سرحان ومش مركز معاك..
• ايه انتو نمتو ولا ايه؟؟؟
• طول منت ماشى فاضى ف الشارع.. اسئل اللى رايح واللى جاى عن محل مالوش وجود.. وخصوصاً لو لقيت الراجل مستعجل طول فـ السؤال بزياده..
• وانت قاعد مع اهلك او صحابك.. ووهما فى نص كلامهم المهم.. اصرخ وعلى صوتك وقولهم.. بااس ..حد سمع اللى سمعته ده؟؟ هيبصولك بدهشه.. قولهم انا سامع صوت قطه صغيره بتنونو.. هى مستخبيه فين.. طبعاً تفكيرهم اتشتت بالقطه العلقه دى.. ومش بعيد تلاقيهم قامو دورو عليها تحت الكنب..
• كل ما حد من صحابك يقول حاجه اخنقه وقوله ..قول والله؟..
• لو بتكلم حد ع الشات رخم عليه واكتب انجلش ارابيك.. وخلى الحروف كلها كابيتل..
• لما تلاقى اى حد بيعد فلوس.. امسك الموبايل كإن حد بيكلمك.. وقول اى رقم بصوت عالى..هتلخبط اللى بيعد.. ويبصلك بصه هياكلك فيها .. اصبر وكرر الموضوع ده كمان مره.. هيكلك قلم علي وشك صدقنى..
• طول منت قاعد ف مكان ..مترو كان او بستان.. اعطس فجأه فى وش اللى قدامك.. ومتنساش تتأسفله بشده.. وكررها تانى بس طول فى فترة هااااااااااااااااااااااااااااااااااااااااااااااااا اااااا اتشى.. هتلاقيه قام طااار من قدامك ف ثانيه..
• لو عندكم بتوجاز بتايمر.. متضيعش الفرصه ورخم ع اللى ف البيت كلهم.....كل شويه اظبطه على 10 دقايق كده واخرج من غير ما حد يشوفك.. ويسلام لو كان بالليل والكل نايم..
• نفس الفكره.. لو عندك منبه صوته عالى.. اظبطه انه يضرب كمان ربع ساعه.. وحطه ف الدولاب بتاعك واقفل عليه بالمفتاح.. والبس هدومك وانزل وروح عند اى حد صاحبك.. وسيبه يرن ساعه يصدع دماغ اللى ف البيت..او يجيب صرع لاخوك لو كان شغال ع النت فنفس الاوضه.. ولما ترجع..متنساش ترسم علامات الدهشه والنسيان على وشك..
• هات بخاخة مطهر و أمشى ورا واحد و كل مايلمس حاجة تروح راششها بالمطهر على طول.
• فى مطعم بص للناس اللى على التربيزة اللى جنبك وهى بتاكل ودقق أوى لغايه مايقوم ويسيب الأكل من غير ميخلص.
• فى المترو امضغ أمضع لبانة بصوت عالى و أنت واقف جنب حد بيقرا مجلة او جرنال و أنت بتقرا معاه طبعا.
• لو قاعد بتتفرج أنت وصحابك على فيلم وفاضل 5 دقايق قوم غير القناة شد الفيشة أعمل أى حاجة لحد الفيلم مايخلص وميعرفوش النهاية.
موضوع: رد: ازاي تكون خنيق ورخم ؟! نياههاه السبت 03 ديسمبر 2011, 19:55
هههههههههههههه ايوه جوجو هي بدها تقتلنا بعد ماغابت عنا ورجعت ناوية على قتلنا ميمي ميمي ميمي ميمي قوليلي من هون لهون مالك عاملة شي منهم ؟؟؟ هههههه بشك انك مالك عاملة هيك شي
موضوع: ازاي تكون خنيق ورخم ؟! نياههاه 
السبت 03 ديسمبر 2011, 16:52
